റാന്നി : കുടിവെള്ള വിതരണത്തെ ചൊല്ലിയുള്ള തര്ക്കം പഞ്ചായത്ത് അംഗങ്ങള് തമ്മിലുള്ള കയ്യാങ്കളിയില് കലാശിച്ചു. റാന്നി ഗ്രാമപഞ്ചായത്തിലെ എഴാം വാര്ഡംഗം എട്ടാം വാര്ഡംഗം തമ്മിലാണ് കൈയ്യാങ്കളി നടത്തിയത്. ഇന്ന് ഉച്ചയ്ക്ക് നടന്ന പഞ്ചായത്ത് ജനറല് മീറ്റിംങ്ങിലാണ് സംഭവം. കുടിവെള്ള വിതരണത്തെ ചൊല്ലി നടന്ന വാക്കു തര്ക്കത്തില് കിണറ്റിലെ തവളയാണോയെന്ന ചോദിച്ചതിലെ ആക്ഷേപമാണ് പ്രശ്നത്തില് കലാശിച്ചത്.
വാക്കുതര്ക്കം മൂത്ത് അംഗത്തിന്റെ മടിക്കുത്തിനു പിടിച്ചതായും അസഭ്യം പറഞ്ഞെന്നും പറയുന്നു. ബഹളം മൂര്ച്ചിച്ചതോടെ പഞ്ചായത്തിനു മുന്നില് ആളും കൂടി. ഇതിനിടെ തര്ക്കം ശബ്ദം കുറച്ചാകണമെന്നും നിര്ദ്ദേശവുമെത്തി. പലരും ഇടപെട്ടെങ്കിലും ബഹളം കുറക്കാന് ഇരുവരും തയ്യാറായില്ല. പഞ്ചായത്തില് രൂപീകരിച്ച ഹെല്പ്പുഡസ്കിന്റെ ചുമതല ഈ അംഗത്തിനായിരുന്നു. എന്നാല് പഞ്ചായത്തിലെ മുഴുവന് പ്രശ്നവും പരിഹരിക്കാതെ വാര്ഡിലെ പ്രശ്നം മാത്രം മുന്തൂക്കം നല്കിയതാണ് തര്ക്കത്തിനു കാരണമെന്നും പറയുന്നു. ഇരു കൂട്ടരും സംഭവത്തില് ഇതുവരെ പോലീസില് പരാതി നല്കിയിട്ടില്ല.
