റാന്നി : സായിപ്പൻകുഴി ആദിവാസി കോളനിയിലെ വിദ്യാർത്ഥികളുൾപ്പെടെയുള്ളവർ പഠിക്കുന്ന മൂഴിയാർ സർക്കാർ യു.പി.സ്കൂളിൽ റാന്നി ഗുഡ് സമരിറ്റൻ ചാരിറ്റബിൾ ആൻഡ് റിലീഫ് സൊസൈറ്റിയുടെ നേതൃത്വത്തിൽ പഠനോപകരണങ്ങളെത്തിച്ചു. പഠനോപകരണ വിതരണം സൊസൈറ്റി ചെയർമാൻ ഫാ.ബെൻസി മാത്യു കിഴക്കേതിൽ നിർവഹിച്ചു. സീതത്തോട് ഗ്രാമപഞ്ചായത്തംഗം രാധാ ശശി, മൂഴിയാർ വൈദ്യുതി പവർ സ്റ്റേഷൻ ഡെപ്യൂട്ടി ചീഫ് എൻജിനീയർ സിജിമോൻ, അസി.എക്സിക്യുട്ടീവ് എൻജിനീയർ എം.വി സജി, ഇലക്ട്രിക്കൽ സെക്ഷൻ എൻജിനീയർ സുജൻ, സ്കൂൾ പ്രധാനാധ്യാപകൻ സി.എസ് ഏലിയാസ് , ബേബി ജോൺ മണിമലേത്ത്, നിഷ, സുനിൽ, സണ്ണി എന്നിവർ പ്രസംഗിച്ചു.
