പത്തനംതിട്ട : കുട്ടികള് വ്യത്യസ്തരാണെന്നും സാഹചര്യങ്ങള് കൊണ്ട് പിന്നിലായ കുട്ടികള് സമൂഹത്തിലുണ്ടെന്നും അവരുടെ ഉന്നമനത്തിനായി സമൂഹം കൂട്ടായി പ്രവര്ത്തിക്കണമെന്നും പത്തനംതിട്ട ജില്ലാ കളക്ടര് എസ്.പ്രേം കൃഷ്ണന് പറഞ്ഞു. ബാലഭവനുകളില് സേവനമനുഷ്ഠിക്കുന്ന അധ്യാപകര്ക്കുവേണ്ടി പത്തനംതിട്ട ചൈല്ഡ് വെല്ഫെയര് കമ്മിറ്റിയുടെയും ജില്ലാ ചൈല്ഡ് പ്രൊട്ടക്ഷന് യൂണിറ്റിന്റെയും സംയുക്ത നേതൃത്വത്തില് പുല്ലാട് ശിവ പാര്വതി ബാലികാ സദനത്തില് സംഘടിപ്പിച്ച ദ്വിദിന പരിശീലന പരിപാടി ഉദ്ഘാടനം ചെയ്യുകയായിരുന്നു അദ്ദേഹം. ബാലഭവനുകളില് പ്രവര്ത്തിക്കുന്ന അധ്യാപകര്ക്ക് ഇക്കാര്യത്തില് കൂടുതല് സംഭാവന ചെയ്യാന് കഴിയുമെന്ന് അദ്ദേഹം ഓര്മിപ്പിച്ചു.
ജില്ലാ വനിതാ ശിശു വികസന ഓഫീസര് കെ.വി ആശാമോള് അധ്യക്ഷത വഹിച്ചു. ചൈല്ഡ് വെല്ഫെയര് കമ്മിറ്റി ചെയര്പേഴ്സണ് അഡ്വ.ലീന കെ.സുബാഷ് മുഖ്യ പ്രഭാഷണം നടത്തി. സി.ഡബ്ല്യു.സി അംഗങ്ങളായ ഡോ.ആര്.വിജയ മോഹനന്, രാജേഷ് ആക്ലേത്ത്, ഡേവിഡ് റെജി മാത്യു, ഡോ.കെ.കെ ബിന്ദു, ജില്ലാ ചൈല്ഡ് പ്രൊട്ടക്ഷന് ഓഫീസര് ഫെബ്ന എസ് റഹീം, സ്ഥാപന പ്രൊട്ടക്ഷന് ഓഫീസര് ബിനി മറിയം ജേക്കബ് എന്നിവര് പങ്കെടുത്തു.
