കൊച്ചി : കൂട്ടുകാര്ക്കൊപ്പമുള്ള മകളുടെ കളിചിരികളുടെ സെല്ഫി കണ്ടാണ് മുളന്തുരുത്തി തുരുത്തിക്കരയിലെ രാജേഷും -സിജിയും ഉറങ്ങാന് കിടന്നത്.
വിനോദയാത്രയ്ക്ക് പോയ ബസിലെ സന്തോഷനിമിഷങ്ങള് ദിയ രാജേഷ് ബുധന് രാത്രി 11നാണ് അച്ഛനും അമ്മയ്ക്കും വാട്സാപ്പില് അയച്ചുകൊടുത്തത്. എന്നാല് രാത്രി 11.30നുണ്ടായ അപകടം രാജേഷിനും -സിജിക്കും നല്കിയത് വേദനയുടെ സെല്ഫി.
ഇവരുടെ ഏകമകളാണ് മരിച്ച പത്താംക്ലാസുകാരി ദിയ. രാത്രി 11ന് സന്തോഷത്തോടെ സംസാരിച്ച് മണിക്കൂറുകള്ക്കുള്ളിലാണ് ദിയയുടെ മരണവാര്ത്ത കുടുംബത്തെ തേടിയെത്തിയത്. ഇവരെ ആശ്വസിപ്പിക്കാന് വാക്കുകളില്ലാതെ വിതുമ്പുകയാണ് നാട്ടുകാര്.
