പത്തനംതിട്ട : ഇന്ത്യന് ഭരണഘടനയുടെ കാതല് ദുര്ബലപ്പെടാതിരിക്കാന് ജനങ്ങള് അതിന്റെ മൂല്യം ഉള്ക്കൊണ്ട് കൂട്ടായ പ്രവര്ത്തനം നടത്തുക മാത്രമാണ് പോംവഴിയെന്ന് ഡോ.സുനില് പി ഇളയിടം പറഞ്ഞു. പത്തനംതിട്ട നഗരസഭയുടെ ആഭിമുഖ്യത്തില് തുടങ്ങുന്ന ഭരണഘടന സാക്ഷരത പ്രവര്ത്തനം ഉദ്ഘാടനം ചെയ്യുകയായിരുന്നു അദ്ദേഹം. ജനാധിപത്യമെന്നാല് ഭൂരിപക്ഷത്തിന്റെ ഹിതമല്ല. അതാണ് ജനാധിപത്യമെന്ന് കരുതിയാല് അതിനകത്തുകൂടി കടന്നുവരുന്നത് ഫാഷിസമാകും.
ഭരണഘടന അസംബ്ലിതന്നെ ദീര്ഘ ചര്ച്ചകള് നടത്തി തള്ളിയ വാദങ്ങളാണ് ഇന്ന് പലരൂപത്തിലും നിയമമായി അവതരിപ്പിച്ച് രാജ്യത്തെ അസ്വസ്തമാക്കുന്നതെന്നും അദ്ദേഹം പറഞ്ഞു. കോണ്ഫറന്സ് ഹാളില് നടന്ന യോഗത്തില് ചെയര്മാന് ടി.സക്കീര് ഹുസൈന് അധ്യക്ഷത വഹിച്ചു. കളക്ടര് ഡോ.ദിവ്യ എസ് അയ്യര് മുഖ്യാതിഥിയായി. വൈസ് ചെയര്പേഴ്സന് ആമിന ഹൈദരാലി സ്വാഗതവും നഗരസഭ സ്ഥിരം സമിതി അധ്യക്ഷന് കെ.ആര് അജിത് കുമാര് നന്ദിയും പറഞ്ഞു.