കോഴഞ്ചേരി : സിസ്റ്റം മാനേജ്മെന്റിൽ ഡോക്ട്രേറ്റ് നേടി മാരാമണ് സ്വദേശി ഡോ. തോമസ് പുത്തൂർ മാത്യു. മാരാമണ് പുത്തൂർ കൊച്ചൂഞ്ഞ് – വത്സല ദമ്പതികളുടെ മകനാണ്. എം.ബി. എ ബിരുദധാരിയായ ഇദ്ദേഹം കലാ-രാഷ്ട്രീയ-പൊതു രംഗങ്ങളിൽ സജീവമായി പ്രവർത്തിക്കുന്നു. രാജീവ് യൂത്ത് ഫൗണ്ടേഷൻ ചെയർമാനും ഓൾ ഇന്ത്യ ആർട്ടിസ്റ്റ് യൂണിയൻ ജില്ലാ ജനറൽ സെക്രട്ടറിയുമാണ്.
സംസ്ഥാനത്ത് കോവിഡ് കൂടിയ കാലഘട്ടങ്ങളിൽ മാതൃകാപരമായ പ്രവർത്തനം ഇദ്ദേഹം കാഴ്ച്ചവെച്ചിരുന്നു. പ്രശസ്ത സംഗീത മ്യൂസിക് ബാന്റ് അച്ചായൻസ് ബാന്റിന്റെ ഗായകൻകൂടിയാണ് ഡോ.തോമസ് പുത്തൂർ. നിരവധി ടി.വി ഷോകളിൽ ഗാനങ്ങൾ ആലപിച്ചിട്ടുള്ള തോമസ് ശാലോം ടി.വി യിൽ ഹോളി ബീറ്റ്സിലെ ഗായകനുമാണ്. ഇൻഫോപാർക്കിൽ ഐ.ടി. പ്രെഫഷണൽ ആയി ജോലി ചെയ്യുന്നു.
