കോട്ടയം : കോട്ടയം മറിയപ്പള്ളിയിൽ പാറമടക്കുളത്തിൽ വീണ ലോറി പുറത്തെടുത്തു. ലോറിയിൽ നിന്ന് ഡ്രൈവറുടെ മൃതദേഹം കിട്ടി. തിരുവനന്തപുരം സ്വദേശി അജികുമാർ ആണ് മരിച്ചത്. ഇന്നലെ രാത്രി 9.15നാണു വള്ളം കയറ്റിയ ലോറി റോഡരികിലെ പാറക്കുളത്തിലേക്കു വീണത്. സമീപത്തെ കൊഴുവത്തറ ഏജന്സിയില് നിന്നു വള്ളവുമായി ആലപ്പുഴ ചേപ്പാടിലേക്കു പോകുന്ന വഴിയായിരുന്നു ലോറി അപകടത്തിൽപ്പെട്ടത്.
