വടശേരിക്കര : വേനല് കടുത്തതോടെ രൂക്ഷമായ കുടിവെള്ള ക്ഷാമം നേരിടുന്ന വടശേരിക്കര ഗ്രാമ പഞ്ചായത്തിലെ ചെറുകുളഞ്ഞിയില് കുടിവെള്ള പൈപ്പ് ലൈന് പൊട്ടുന്നത് പതിവാകുന്നു. റോഡ് നിര്മ്മാണത്തിനിടെയാണ് കഴിഞ്ഞ ദിവസം പൈപ്പ് പൊട്ടിയത്. പൈപ്പ് ലൈന് പൊട്ടി വെള്ളം മണിക്കൂറുകളോളം നടുറോഡില് പാഴായാലും ബന്ധപ്പെട്ട വാട്ടര് അതോറിറ്റി ജീവനക്കാര് തിരിഞ്ഞു നോക്കുന്നില്ല എന്നാണ് നാട്ടുകാരുടെ പരാതി. റോഡ് നിര്മ്മാണത്തിന്റെ ഭാഗമായി പൈപ്പ് പൊട്ടിയാല് റോഡ് നിര്മ്മിക്കുന്നവരും ഇത് പരിഹരിക്കാന് തയ്യാറാകുന്നില്ല. പ്രദേശത്തെ ഉയര്ന്ന ഭാഗങ്ങളിലെല്ലാം രൂക്ഷമായ കുടിവെള്ള ക്ഷാമമാണ് നേരിടുന്നത്. ഈ സാഹചര്യത്തിലാണ് മണിക്കൂറുകളോളം വെള്ളം നടുറോഡില് പാഴാകുന്നത്. നിരവധി തവണ വാട്ടര് അതോറിറ്റി ജീവനക്കാരെ വിഷയം ധരിപ്പിച്ചിട്ടും യാതൊരു നടപടിയും സ്വീകരിച്ചിട്ടില്ലെന്നും പ്രദേശവാസികള് ആരോപിച്ചു.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) ഇപ്പോള് പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
