ആലപ്പുഴ : പ്രായപൂര് ത്തിയാകാത്ത കുട്ടിയെ കൊണ്ട് പൊതുനിരത്തില് മോട്ടോര് കാര് ഓടിപ്പിക്കുകയും അതിന്റെ വീഡിയോ യൂട്യൂബ് വഴി പ്രചരിപ്പിക്കുകയും ചെയ്തയാളുടെ വാഹനത്തിന്റെ രജിസ്ട്രേഷന് സര്ട്ടിഫിക്കറ്റ് മോട്ടോര് വാഹന നിയമപ്രകാരം സസ്പെന്ഡ് ചെയ്യുന്നതിനുള്ള നടപടികള് ആരംഭിച്ചു. ട്രാന്സ്പോര്ട്ട് കമ്മീഷണര്ക്ക് ലഭിച്ച പരാതി പ്രകാരം നടത്തിയ അന്വേഷണത്തിലാണ് ജില്ലയിലെ ഒരു യൂട്യൂബര് കുടുങ്ങിയത്.
ബോധപൂര്വ്വമായാണ് അദ്ദേഹത്തിന്റെ പേരിലുള്ള മോട്ടോര് കാര് പ്രായപൂര്ത്തിയാകാത്ത കുട്ടിയെ കൊണ്ട് പൊതുനിരത്തില് ഓടിപ്പിച്ചതെന്ന് ബോധ്യപ്പെട്ടുകയായിരുന്നു. തുടര്ന്ന് വാഹന ഉടമയുടെ പേരില് കേസെടുത്ത് ആലപ്പുഴ സി.ജെ.എം കോടതിയിലേക്കും കുട്ടിയുടെ കേസ് ജുവനൈല് ജസ്റ്റിസ് ബോര്ഡിലേക്കും തുടര് നടപടികള്ക്കായി സമർപ്പിച്ചതായും ആര്.ടി.ഒ അറിയിച്ചു.
