കൊല്ലം : മണ്റോതുരുത്തില് മകനുമായെത്തിയ സ്ത്രീ കുഞ്ഞിനെ കരയില് നിര്ത്തി ആറ്റില് ചാടി മരിച്ചു. കുഞ്ഞിന്റെ കരച്ചില്കേട്ടെത്തിയ നാട്ടുകാര് നടത്തിയ തിരച്ചിലിലാണ് കല്ലടയാറ്റില് മൃതദേഹം കണ്ടെത്തിയത്.
കാഞ്ഞിരകോട് കാര്മല് ഹൗസില് ചെറുപുഷ്പം (46) ആണ് മരിച്ചത്. മണ്റോത്തുരുത്ത് കൊച്ചുമാട്ടേല് ജംഗ്ഷന് സമീപം തിങ്കളാഴ്ച ഉച്ചയ്ക്ക് ഒരു മണിയോടെയാണ് സംഭവം.
ഇളയമകന് അഞ്ചുവയസ്സുകാരന് ഇവാനോടൊപ്പമാണ് ചെറുപുഷ്പം ആറ്റുതീരത്തെത്തിയത്. മരിച്ച ചെറുപുഷ്പത്തിന് മാനസികാസ്വാസ്ഥ്യമുണ്ടായിരുന്നതായി പോലീസ് അറിയിച്ചു. ഭര്ത്താവ്: ബേല്ട്ടാസന്. മകള്: ജുവാന. കിഴക്കേ കല്ലട പോലീസ് മേല്നടപടി സ്വീകരിച്ചു. മൃതദേഹം ജില്ലാ ആശുപത്രി മോര്ച്ചറിയിലേക്ക് മാറ്റി.