കോട്ടയം : ഈരാറ്റുപേട്ടയില് മീനച്ചിലാറ്റില് ഒഴുക്കില്പ്പെട്ട് വിദ്യാര്ത്ഥി മരിച്ചു. മാതാക്കല് കന്നുപറമ്പില് ഷാഹുലിന്റെ മകന് അഫ്സല് (15) ആണ് മരിച്ചത്. തൊടുപുഴ റോഡില് ഇളപ്പുങ്കലിനു സമീപമാണ് അഫ്സല് ഒഴുക്കില്പ്പെട്ടത്. ഈലക്കയം ചെക്ക് ഡാമിന് സമീപം മീനച്ചിലാര് കാണാന് എത്തിയതായിരുന്നു അഫ്സലും അനുജനും സുഹൃത്തും. ആറിന്റെ തീരത്ത് കൂടി നടക്കുന്നതിനിടെ പുഴയില് വീണ ചെരുപ്പെടുക്കാന് ശ്രമിക്കുമ്പോള് അഫ്സല് കയത്തില് വീഴുകയായിരുന്നു.
നാട്ടുകാരും അഗ്നിരക്ഷാ സേനയും പോലീസും ചേര്ന്ന് നടത്തിയ തിരച്ചിലില് ഒരു മണിക്കൂറിന് ശേഷമാണ് അഫ്സലിനെ കണ്ടെത്തിയത്. മൃതദേഹം പോസ്റ്റ്മോര്ട്ടം നടപടികള്ക്കായി പാലാ താലൂക്ക് ആശുപത്രി മോര്ച്ചറിയില് സൂക്ഷിച്ചിരിക്കുകയാണ്.
