മുംബൈ: സുശാന്ത് സിങ് രജ്പുത്തിന്റെ മരണവുമായി ബന്ധപ്പെട്ട് ഉയര്ന്നുവന്ന മയക്കുമരുന്ന് കേസില് നടി റിയ ചക്രവര്ത്തിയെ നര്ക്കോട്ടിക്സ് കണ്ട്രോള് ബ്യൂറോ അറസ്റ്റു ചെയ്തു. കേസില് തുടര്ച്ചയായ രണ്ടുദിവസത്തെ ചോദ്യം ചെയ്യലിന് ശേഷമാണ് റിയയെ അറസ്റ്റ് ചെയ്തത്.
നേരത്തെ റിയയുടെ സഹോദരന് ഷോവിക് ചക്രവര്ത്തിയെയും സുശാന്തിന്റെ മാനേജറായിരുന്ന സാമുവേല് മിറാന്ഡയെയും എന്.സി.ബി അറസ്റ്റു ചെയ്തിരുന്നു.
ചോദ്യം ചെയ്യലില് ഷോവിക്കും സാമുവേലും സുശാന്തിന് മയക്കുമരുന്ന് എത്തിച്ചതായി റിയ മൊഴി നല്കിയിരുന്നു. ലഹരിമരുന്ന് ഇടപാടില് അറസ്റ്റിലായ പ്രതികളുമായി ഇവര്ക്ക് ബന്ധമുണ്ടെന്ന കാര്യം അറിയാമായിരുന്നെന്നും റിയ സമ്മതിച്ചിരുന്നു.
