കണ്ണൂര് : സംസ്ഥാനത്ത് വീണ്ടും ഒരു രാഷ്ട്രീയ പ്രവര്ത്തകന് കൂടി കൊല്ലപ്പെട്ടു. എസ്ഡിപിഐ പ്രവര്ത്തകനും കണ്ണവം സ്വദേശിയുമായ സലാഹുദീനാണ് കൊല്ലപ്പെട്ടത്. വണ്ടി കൊണ്ട് ഇടിച്ചു വീഴ്ത്തിയ സലാഹുദീനെ വെട്ടിക്കൊന്നതായാണ് ലഭിക്കുന്ന റിപ്പോര്ട്ട്. കൊലപാതകത്തിന്റെ കൂടുതല് വിവരങ്ങള് ലഭ്യമായി വരുന്നതേയുള്ളൂ.
കഴുത്തില് വെട്ടേറ്റ ഇദ്ദേഹത്തെ തലശ്ശേരി ജനറല് ആശുപത്രിയില് എത്തിച്ചെങ്കിലും നിമിഷങ്ങള്ക്കകം മരണം സംഭവിക്കുകയായിരുന്നു. ആഴത്തിലുള്ള മുറിവാണ് കഴുത്തിലേറ്റത് എന്നാണ് സൂചന. സലാഹുദീന്റെ മൃതദേഹം തലശ്ശേരി സഹകരണ ആശുപത്രി മോര്ച്ചറിയിലേക്ക് മാറ്റിയിട്ടുണ്ട്.
