തലസ്ഥാനത്തും പാഴ്‌സല്‍ വഴി ലഹരിക്കടത്ത്

തിരുവനന്തപുരം : തലസ്ഥാനത്തും പാഴ്‌സല്‍ വഴി ലഹരിക്കടത്ത്. തിരുവനന്തപുരം കഴക്കൂട്ടത്തെ ഫ്‌ളാറ്റില്‍നിന്ന് ഹഷീഷ് ഓയിലും എംഡിഎംഎയും പിടിച്ചു. കഴക്കൂട്ടം സ്വദേശി അരുണിനെ കസ്റ്റഡിയിലെടുത്തു. നെതര്‍ലന്‍ഡില്‍നിന്നുള്ള പാഴ്‌സലിലാണ് ലഹരി കടത്തിയതെന്ന് എക്‌സൈസ് പറഞ്ഞു. കോഴിക്കോട് പിടിയിലായ പ്രതിയുടെ മൊഴിയുടെ അടിസ്ഥാനത്തിലാണ് വെട്ടുറോഡിലുള്ള ഫ്‌ളാറ്റില്‍ പരിശോധന നടത്തിയത്. പിടിയിലായ ആളെ ചോദ്യം ചെയ്തു വരികയാണെന്ന് കഴക്കൂട്ടം എക്‌സൈസ് ഇന്‍സ്‌പെക്ടര്‍ പറഞ്ഞു. കൊച്ചിയില്‍ ഒരു കൊറിയർ സ്ഥാപനത്തില്‍ വന്ന പാഴ്‌സലില്‍ നിന്ന് മാരക മയക്കു മരുന്നായ എംഡിഎംഎ ഇന്നലെ പിടികൂടിയിരുന്നു.