തിരുവനന്തപുരം : സ്കൂളുകള് കേന്ദ്രീകരിച്ച് ലഹരി ഉപയോഗം ശ്രദ്ധയില്പെട്ടതിനെതുടര്ന്ന് കര്ശന നടപടി സ്വീകരിക്കുമെന്ന് മന്ത്രി വി ശിവന്കുട്ടി. സ്കൂളും പരിസരവും ലഹരി വിമുക്തമാക്കാന് നടപടിയെടുക്കും. ലഹരി ഉപയോഗിക്കാന് പ്രേരിപ്പിക്കുന്നവര്ക്ക് എതിരെ ജുവനൈല് ആക്ട് പ്രകാരം കേസെടുക്കും. സ്കൂള് കോമ്പൗണ്ടില് സിസിടിവി ക്യാമറകള് സ്ഥാപിക്കുന്നതിന്റെ സാധ്യത പരിശോധിക്കും മന്ത്രി അറിയിച്ചു. അധ്യാപകര് ലഹരിവസ്തു ഉപയോഗിക്കുന്നില്ലെന്ന് ഉറപ്പാക്കാന് നടപടിയെടുക്കുമെന്നും മന്ത്രി പറഞ്ഞു.
