ചിക്കമംഗളൂരു: മദ്യപിച്ചെത്തിയ ഡോക്ടര് ഓപ്പറേഷന് തിയേറ്ററിനുള്ളില് കുഴഞ്ഞുവീണു. ശസ്ത്രക്രിയ നടത്തുന്നതിന് നിമിഷങ്ങള്ക്ക് മുമ്പാണ് സംഭവം. കര്ണാടകയിലെ ചിക്കമംഗളൂരുവിലെ ഒരു ആശുപത്രിലെ ബാലകൃഷ്ണ എന്ന ഡോക്ടറാണ് കുഴഞ്ഞുവീണത്. ഇയാള് സ്ഥിരം കുറ്റവാളിയാണെന്നും മുമ്പ് മദ്യപിച്ച് പിടികൂടിയിട്ടുണ്ടെന്നും റിപ്പോര്ട്ടുണ്ട്.
വന്ധ്യംകരണ ശസ്ത്രക്രിയയ്ക്കായി ഒമ്പത് സ്ത്രീകളെ ആശുപത്രിയില് പ്രവേശിപ്പിച്ചിരുന്നു. ശസ്ത്രക്രിയ നടക്കേണ്ട ദിവസം രാവിലെ മുതല് ബാലകൃഷ്ണ ഓപ്പറേഷന് തിയറ്ററിനുള്ളില് ഉറങ്ങുകയായിരുന്നു. രോഗികള്ക്ക് ഏകദേശം രാവിലെ 8 മണിക്ക് അനസ്തേഷ്യ നല്കി. ശസ്ത്രക്രിയകള് ഉച്ചയ്ക്ക് 2 മണിക്ക് നടത്താനും തീരുമാനിച്ചു. എന്നാല് ശസ്ത്രക്രിയ ആരംഭിക്കുന്നതിന് മുമ്പ് ഡോക്ടര് കുഴഞ്ഞുവീഴുകയായിരുന്നു. അതേസമയം ഡോക്ടര്ക്കെതിരെ കര്ശന നടപടി സ്വീകരിക്കണമെന്ന് രോഗികളുടെ കുടുംബാംഗങ്ങള് ആവശ്യപ്പെട്ടു.