അടിമാലി: മീന് പിടിക്കാനെത്തിയ യുവാവിനെ ദേവിയാര് പുഴയില് കാണാതായി. ഒഴുവത്തടം കളത്തിപറമ്പില് തങ്കന്റെ മകന് അഖിലിനെ (22) ആണ് ഒഴുക്കില്പ്പെട്ട് കാണാതായത്. പതിനാലാംമൈല് മഴുവന്മറ്റം പടിയിലാണ് സംഭവം. നാലംഗ സംഘമാണ് ഇവിടെ മീന് പിടിക്കാനെത്തിയത്.
ഇതിനിടെ അഖില് കാല് തെന്നി പുഴയില് വീഴുകയായിരുന്നെന്ന് ഒപ്പമുണ്ടായിരുന്നവര് അടിമാലി പോലീസില് അറിയിച്ചു. സംഭവ സ്ഥലത്തെത്തി പോലീസും ഫയര് ഫോഴ്സും തെരച്ചില് ആരംഭിച്ചു. ശക്തമായ മഴ മൂലം ദേവിയാര് പുഴയില് ജലനിരപ്പുയര്ന്നതും ഇരുട്ടും തെരച്ചലിന് തടസമായി.
