പയ്യന്നൂര് : പയ്യന്നൂര് ഗാന്ധി മന്ദിരവും, ഗാന്ധി പ്രതിമയും തകര്ത്ത പ്രതികളെ അറസ്റ്റ് ചെയ്യണമെന്നാവശ്യപ്പെട്ട് യൂത്ത് കോണ്ഗ്രസ് കെ.എസ്.യു അസംബ്ലി കമ്മിറ്റികളുടെ സംയുക്താഭിമുഖ്യത്തില് പയ്യന്നൂര് ഡി.വൈ.എസ്.പി ഓഫീസിലേക്ക് പ്രതിഷേധ മാര്ച്ച് നടത്തി.മാര്ച്ച് ബ്ലോക്ക് കോണ്ഗ്രസ് പ്രസിഡന്റ് വി.സി നാരായണന് ഉദ്ഘാടനം ചെയ്തു. യൂത്ത് കോണ്ഗ്രസ് നിയോജകമണ്ഡലം പ്രസിഡന്റ് ശ്രീനിഷ് ടി.പി അധ്യക്ഷത വഹിച്ചു. കെ.എസ്.യു നിയോജകമണ്ഡലം പ്രസിഡന്റ് ആകാശ് ഭാസ്കരന്, ഗോകുല് ഗോപി എന്നിവര് പ്രസംഗിച്ചു. കെ.പി മഹിത, വൈശാഖ് പി.വി, നവനീത് നാരായണന്, സേതു.വി, അരുണ് ആലയില്, പ്രണവ് കരേള, ഭരത് ഡി പൊതുവാള്, അര്ജുന് കോറോം എന്നിവര് നേതൃത്വം നല്കി.
