ചെന്നൈ : ഇലക്ട്രിക് സ്കൂട്ടറിലെ ബാറ്ററി പൊട്ടിത്തെറിച്ച് വീടിന് തീപിടിച്ച് അച്ഛനും മകളും മരിച്ചു. സ്റ്റുഡിയോ ഉടമ വെല്ലൂര് ചിന്ന അല്ലാപുരം ബലരാമന് മുതലിയാര് തെരുവില് ദുരൈവര്മ(49), മകള് മോഹനപ്രീതി (13) എന്നിവരാണ് അപകടത്തില് മരിച്ചത്. വീട്ടുവരാന്തയില് തന്റെ പുതിയ ഇ-സ്കൂട്ടര് ചാര്ജ് ചെയ്യാന് വെച്ച് കിടന്നുറങ്ങിയതായിരുന്നു ദുരൈവര്മയും മകളും. ശനിയാഴ്ച പുലര്ച്ച രണ്ടരയോടെ സ്കൂട്ടറിന്റെ ബാറ്ററി പൊട്ടിത്തെറിച്ച് അഗ്നിബാധയുണ്ടാവുകയായിരുന്നു.
