വയനാട് : പുത്തുമല ദുരന്തബാധിതര്ക്കായി സര്ക്കാരുമായി ചേര്ന്ന് മലബാര് ഗ്രൂപ്പ് പണിത 12 വീടുകള് ഗുണഭോക്താക്കള്ക്ക് കൈമാറി. താക്കോല് ദാനം പൊതുമരാമത്ത് ടൂറിസം മന്ത്രി പി എ മുഹമ്മദ് റിയാസ് നിര്വഹിച്ചു. അമ്പത് കുടുംബങ്ങളെയാണ് മേപ്പാടിയില് പുനരധിവസിപ്പിക്കുന്നത്. ‘ഹര്ഷം’ എന്ന പേരില് നടപ്പാക്കുന്ന പുനരധിവാസ പദ്ധതിയിലെ വീടുകളിലേക്ക് ശുദ്ധജലമെത്തിക്കുന്ന പദ്ധതിയും മലബാര് ഗ്രൂപ്പിന്റെ സംഭാവനയാണ്.
ഈ പദ്ധതിയില് മൂന്നു വീടുകള് കൂടി മലബാര് ഗ്രൂപ്പ് നിര്മിച്ചു നല്കും.സാമൂഹ്യ ഉത്തരവാദിത്ത ഫണ്ട് ഉപയോഗിച്ചാണ് വീടുകള് നിര്മ്മിച്ചതും ശുദ്ധജലവിതരണ പദ്ധതി പൂര്ത്തിയാക്കിയതും. ചടങ്ങില് എം എല് എ, ടി സിദ്ദീഖ്. മലബാര് ഗ്രൂപ്പ് ചെയര്മാന് എം പി അഹമ്മദ്,സി കെ ശശീന്ദ്രന് തുടങ്ങി നിരവധിപേര് പങ്കെടുത്തു.
