കോഴിക്കോട് : പ്രതിപക്ഷ ഉപനേതാവും മുസ്ലീം ലീഗ് എംഎല്എയുമായ എം.കെ. മുനീറിന്റെ ഭാര്യ നഫീസയെ എന്ഫോഴ്സ്മെന്റ് ഡയറക്ടറേറ്റ് ചോദ്യം ചെയ്യുന്നു. കെ എം ഷാജിയുടെ കോഴിക്കോട്ടെ ഭൂമി വാങ്ങിയത് നഫീസയും ചേര്ന്നാണെന്നുള്ള പരാതിയുടെ ഭാഗമായി ഇഡി അന്വേഷണം നടത്തിയിരുന്നു. ഇതേ കുറിച്ചുള്ള വിവരങ്ങള് ചോദിച്ചറിയാനാണ് വിളിപ്പിച്ചത്.
അനധികൃത സ്വത്ത് സമ്പാദന കേസില് കെ എം ഷാജിക്കെതിരെ നടക്കുന്ന ഇഡി അന്വേഷണത്തിനിടെയാണ് മുനീറിനെതിരെയും പരാതി ഉയര്ന്നത്. കെ എം ഷാജി എംഎല്എയുടെ വിവാദ ഭൂമി ഇടപാടില് എം കെ മുനീറിനും പങ്കെന്നായിരുന്നു പരാതി. ഐ എന് എല് നേതാവ് അബ്ദുള് അസീസാണ് പരാതി നല്കിയത്.
