പത്തനംതിട്ട : മുൻ മുഖ്യമന്ത്രിയും പ്രതിപക്ഷ നേതാവുമായ പിണറായി വിജയനെ എട്ടുമണിക്കൂറോളം സംസ്ഥാന പോലീസിന്റെ നേതൃത്വത്തിൽ വീട്ടിൽ തടഞ്ഞു നിർത്തി ഈഡി നടത്തിയ റെയ്ഡിൽ പ്രതിഷേധിച്ചുകൊണ്ട് നാളെ വ്യാഴം വൈകിട്ട് ഇടതുപക്ഷ ജനാധിപത്യ മുന്നണിയുടെ നേതൃത്വത്തിൽ പത്തനംതിട്ട ടൗണിൽ പ്രതിഷേധ പ്രകടനം നടത്തുന്നു. വൈകിട്ട് 4 മണിക്ക് ടൗണിലേക്ക് നടക്കുന്ന പ്രതിഷേധ പ്രകടനത്തിൽ ഇടതുപക്ഷ ജനാധി പത്യമുന്നണിയുടെ സംസ്ഥാന ജില്ലാതല നേതാക്കൾ പങ്കെടുക്കും.
കോൺഗ്രസ് പാർട്ടിയും ബിജെപിയും സംസ്ഥാന തലത്തിൽ നടത്തിയ ഡീലിന്റെ ഭാഗമായിട്ടാണ് കേരള മുഖ്യമന്ത്രി ഡൽഹിയിൽ എത്തി പ്രധാനമന്ത്രിയെ കണ്ടതും വ്യവസ്ഥ പ്രകാരമുള്ള പ്രതികാരനടപടികൾ തുടങ്ങിയതും. ഇടതുപക്ഷത്തിന്റെ ശക്തി ക്ഷയിച്ചു എന്ന് കരുതുന്നവർക്ക് ഉള്ള ശക്തമായ താക്കീത് ആയിരിക്കും നാളെ നടക്കുവാൻ പോകുന്ന പ്രതിഷേധ പ്രകടനമെന്ന് ഇടതുപക്ഷ ജനാധിപത്യമുന്നണിയുടെ പത്തനംതിട്ട ജില്ലാ കൺവീനർ അലക്സ് കണ്ണമല അറിയിച്ചു.
