കണ്ണൂർ : പെരിങ്ങത്തൂരിൽ എസ്ഡിപിഐ പ്രാദേശിക നേതാവ് ഷഫീഖിന്റെ വീട്ടിൽ എൻഫോഴ്സ്മെന്റ് ഡയറക്ടറേറ്റ് (ഇഡി) ഉദ്യോഗസ്ഥർ പരിശോധന നടത്തുന്നു. ഗുരുജി മുക്കിലെ വീട്ടിലാണ് മുംബൈയിൽ നിന്നെത്തിയ ഇഡി സംഘം പരിശോധന നടത്തുന്നത്. വീടിനു മുൻപിൽ ഇഡിക്കെതിരെ പ്രദേശത്തെ എസ്ഡിപിഐ പ്രവർത്തകർ പ്രതിഷേധിക്കുന്നു.
കുറച്ചു ദിവസം മുൻപ് പ്രദേശത്തുനടന്ന പൊതുപരിപാടിക്കിടെ ആർഎസ്എസിനും ബിജെപിക്കുമെതിരെ ഷഫീഖ് വിദ്വേഷ പരാമർശം നടത്തിയിരുന്നു. ഇതിനു പിന്നാലെ ഷഫീഖിനെതിരെ ചൊക്ളി പോലീസിൽ ബിജെപി പ്രവർത്തകർ കേസ് നൽകി. വിദേശ ഫണ്ടു സ്വീകരിച്ച് നാട്ടിൽ വർഗീയ കലാപമുണ്ടാക്കാൻ ഷഫീഖ് ശ്രമിക്കുന്നതായാണ് പരാതി നൽകിയത്. ഇതിന്റെ കൂടി അടിസ്ഥാനത്തിലാണ് ഇഡി പരിശോധന നടത്തുന്നതെന്നാണ് വിവരം. പരിശോധന തുടരുകയാണ്.
