അടൂർ: വിളക്കിത്തല നായർ സമുദായത്തിൻ്റെ പിന്നോക്കാവസ്ഥ പരിഹരിക്കുന്നതിന് ശ്രമിക്കുമെന്ന് ഡെപ്യൂട്ടി സ്പീക്കർ ചിറ്റയം ഗോപകുമാർ പറഞ്ഞു. വിളക്കിത്തല നായർ സമാജത്തിൻ്റെ അടൂർ താലൂക്ക് യൂണിയൻ വാർഷിക സമ്മേനം ഉത്ഘാടനം ചെയ്തു സംസാരിക്കുകയായിരുന്നു അദ്ദേഹം. ഒ.ഇ.സിയിൽ ഉൾപ്പെടുത്തി വിദ്യാഭ്യാസ ആനുകൂല്യം ലഭിക്കുന്നുണ്ടെങ്കിലും ഒ.ഇ.സി ലിസ്റ്റിൽപ്പെടുത്തിയിട്ടില്ല. അതിനാവശ്യമായ ശ്രമം നടത്തി സാമ്പത്തിക പിന്നോക്കാവസ്ഥ പരിഹരിക്കുന്നതിന് ആവശ്യമായ നടപടി സ്വീകരിക്കുമെന്നും ചിറ്റയം സൂചിപ്പിച്ചു.
എ.കെ അനിൽകുമാർ. അദ്ധ്യക്ഷത വഹിച്ചു. സെക്രട്ടറി എസ്. രാമകൃഷ്ണൻ റിപ്പോർട്ട് അവതരിപ്പിച്ചു. നേതാക്കളായ രവീപ്രനാഥ്, കെ അനിൽകുമാർ, എ.പ്രസാദ്, പി.വി. വത്സല ടീച്ചർ, കെ.കെ. അനിൽകുമാർ, ബാബു കുഴിക്കാല, എൻ. മോഹനൻ, കെ. ഓമന, പി. ആർ വിനോദ്, എൻ. ശിവരാമൻ, പി.കെ. മുരളി, എം. മുരളി പള്ളിക്കൽ, കെ. പ്രഭാസനൻ, പി ശിവരാജൻ, മായ അനിൽ, ശ്രീദേവി രാജൻ എന്നിവർ സംസാരിച്ചു.
