കോഴിക്കോട് : കോഴിക്കോട് ചമലിൽ വയോധികന് പാമ്പുകടിയേറ്റു. ചമൽ സ്വദേശി ശിവന് (62) ആണ് ഇന്ന് രാവിലെ 9.30ഓടെ പാമ്പുകടിയേറ്റത്. വീടിന് സമീപത്തെ തോട്ടത്തിൽ നിന്ന് വാഴക്കുല വെട്ടുന്നതിനിടെയാണ് സംഭവം. വാഴയിൽ ഒളിച്ചിരുന്ന പാമ്പ് ശിവന്റെ കൈയിൽ കടിക്കുകയായിരുന്നു. വിഷമുള്ള ഇനത്തിൽപ്പെട്ട പാമ്പാണ് കടിച്ചതെന്നാണ് പ്രാഥമിക വിവരം. പാമ്പുകടിയേറ്റ ഉടൻ തന്നെ ശിവൻ കടിച്ച പാമ്പിനെ സുരക്ഷിതമായി കവറിലാക്കി ആശുപത്രിയിലെത്തിച്ചതായി ബന്ധുക്കൾ അറിയിച്ചു. താമരശ്ശേരി താലൂക്ക് ആശുപത്രിയിൽ പ്രാഥമിക ചികിത്സ നൽകിയ ശേഷം കൂടുതൽ വിദഗ്ധ ചികിത്സയ്ക്കായി 108 ആംബുലൻസിൽ കോഴിക്കോട് മെഡിക്കൽ കോളേജ് ആശുപത്രിയിലേക്ക് മാറ്റി. നിലവിൽ ആരോഗ്യനില ഗുരുതരമല്ലെന്നും ഡോക്ടർമാരുടെ നിരീക്ഷണത്തിൽ തുടരുകയാണെന്നും ആശുപത്രി അധികൃതർ അറിയിച്ചു. പാമ്പിന്റെ ഇനം സ്ഥിരീകരിക്കുന്നതിനുള്ള പരിശോധനകളും ചികിത്സാ നടപടികളും പുരോഗമിക്കുകയാണ്.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
