ആലപ്പുഴ : ചേര്ത്തലയില് ദമ്പതികളെ ഷോക്കേറ്റ് മരിച്ച നിലയില് കണ്ടെത്തി. ചേര്ത്തല മായിത്തറ ഭാഗ്യസദനത്തില് ഹരിദാസ് (65), ഭാര്യ ശ്യാമള (60) എന്നിവരാണ് മരിച്ചത്. വീടിനോട് ചേര്ന്നുള്ള ഷെഡില് ഷോക്കേറ്റ് മരിച്ച നിലയിലാണ് കണ്ടെത്തിയത്. ഇരുവരുടെയും ശരീരത്തില് വയര് ചുറ്റിയ നിലയില് കണ്ടെത്തി. രാവിലെ വീടിന് പുറത്തേക്ക് കാണാതായപ്പോള് അയല്വാസികള് എത്തി നോക്കിയപ്പോഴാണ് ഇരുവരെയും മരിച്ച നിലയില് കണ്ടെത്തിയത്. പ്രാഥമിക പരിശോധനയില് ദുരൂഹതയൊന്നും കണ്ടെത്താനായില്ലെന്നും പോസ്റ്റ്മോര്ട്ടം റിപ്പോര്ട്ട് വന്നാല് മാത്രമേ മറ്റ് കാര്യങ്ങള് വ്യക്തമാവൂവെന്നും പോലീസ് പറഞ്ഞു.
