അങ്കമാലി: മുറ്റം വൃത്തിയാക്കുന്നതിനിടെ തല കറങ്ങിയ വയോധിക കിണറ്റില് വീണു മരിച്ചു. മൂക്കന്നൂര് മഞ്ഞിക്കാട് പാറയില് വീട്ടില് പരേതനായ വാസുവിന്റെ ഭാര്യ ദേവകിയാണ് (84) വീട്ടുമുറ്റത്തെ കിണറില് വീണ് മരിച്ചത്. തിങ്കളാഴ്ച രാവിലെ 10.30ന് പതിവുപോലെ മുറ്റം ശുചീകരിക്കുന്നതിനിടെയാണ് സംഭവം. കിണറിന്റെ ചുറ്റുമതിലിന് ഉയരം കുറവായതിനാല് കിണറിലേക്ക് വീഴുകയായിരുന്നു. അങ്കമാലി അഗ്നിരക്ഷ സേനയെത്തി കരക്കെടുത്ത് മൂക്കന്നൂര് എം.എ.ജി.ജെ. ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. പരിശോധനയില് കോവിഡ് രോഗം കണ്ടെത്തി. എന്നാല് നേരത്തെ കോവിഡ് ലക്ഷണങ്ങളൊന്നും ഉണ്ടായിരുന്നില്ല. മക്കള്: പി.വി. പപ്പന് (റിട്ട. പൊലീസ് ഓഫീസര്), പ്രകാശന്, പി.വി. മോഹനന് (സി.പി.എം. അങ്കമാലി ഏരിയ കമ്മിറ്റിയംഗം) ഷാജി, ഗീത, ഷൈനി. മരുമക്കള്: സുധ, ലീല, മിനി (കാഞ്ഞൂര് കിഴക്കുംഭാഗം സര്വീസ് സഹകരണ ബാങ്ക് ), സുനിത, ലാലു, പരേതനായ മോഹനന്.
