തിരുവനന്തപുരം: പീഡനക്കേസില് എല്ദോസ് കുന്നപ്പിള്ളി എംഎല്എയുടെ ചോദ്യം ചെയ്യല് പൂര്ത്തിയായി. ചോദ്യങ്ങള്ക്ക് എല്ദോസ് കൃത്യമായ മറുപടി നല്കുന്നില്ലെന്ന് ക്രൈംബ്രാഞ്ച് പറഞ്ഞു. തിങ്കളാഴ്ച വീണ്ടും ഹാജരാകാന് നിര്ദേശം നല്കി. 11 ദിവസമായി ഒളിവിലായിരുന്ന എല്ദോസ് കുന്നപ്പിള്ളി സ്വന്തം വീട്ടില് തിരിച്ചെത്തിയത് കഴിഞ്ഞ ദിവസമാണ്. പാസ്പോര്ട്ട് അന്വേഷണ സംഘത്തിനു കൈമാറണമെന്നും കേരളംവിട്ടു പോകരുതെന്നും അടക്കമുള്ള ഉപാധികളോടെയാണ് ജാമ്യം അനുവദിച്ചത്.
