തിരുവനന്തപുരം: എല്ദോസ് കുന്നപ്പിള്ളി എവിടെയെന്ന് അദ്ദേഹത്തോട് ചോദിക്കണമെന്ന് വി.ഡി.സതീശന്. വിശദീകരണം നല്കാന് സമയം അനുവദിച്ചിട്ടുണ്ട്. അതിനുശേഷം പാര്ട്ടി തുടര്നിലപാട് സ്വീകരിക്കുമെന്ന് വി.ഡി.സതീശന് തിരുവനന്തപുരത്ത് പറഞ്ഞു. സംസ്ഥാനത്തെ രാഷ്ട്രീയ സാഹചര്യങ്ങൾ വിലയിരുത്താൻ യുഡിഎഫ് ഏകോപന സമിതി യോഗം ഇന്ന്.
പീഡനക്കേസിൽ ആരോപണവിധേയനായി ഒളിവിൽകഴിയുന്ന എൽദോസ് കുന്നപ്പിള്ളി എംഎല്എക്കെതിരെ സംഘടനാപരമായി ശക്തമായ നടപടിയെടുക്കുമെന്ന് കെ.സുധാകരൻ യോഗത്തെ അറിയിക്കും. ഭാരത് ജോഡോ യാത്ര സൃഷ്ടിച്ച അനുകൂല സാഹചര്യവും ഗവർണർ – സർക്കാർ പോരും സിൽവർലൈൻ സർവേ പുനരാരംഭിക്കാനുള്ള നീക്കവും യോഗം വിലയിരുത്തും.
