കൊച്ചി : മുന്നണികള് സ്ഥാനാര്ഥികളായി പരിഗണിച്ചില്ലെങ്കിലും സ്വതന്ത്രരായി നില്ക്കാന് ആരുടെയും തണല് വേണ്ടല്ലോ എന്ന നിലപാടുമായി തദ്ദേശ തെരഞ്ഞെടുപ്പിന്റെ ചൂടന് അങ്കത്തട്ടിലേക്കിറങ്ങി ട്രാന്സ്ജെന്ഡര് സ്ഥാനാര്ഥികളും.
കൊച്ചി, കണ്ണൂര് കോര്പ്പറേഷനുകളിലെ ഡിവിഷനുകളിലാണ് ഓരോ ട്രാന്സ്ജെന്ഡര്മാര് സ്വതന്ത്രരായി മത്സരിക്കുന്നത്. കൊച്ചി കോര്പ്പറേഷനിലെ 26ാം ഡിവിഷനായ ഫോര്ട്ട കൊച്ചി നസ്റത്തില് മത്സരിക്കുന്നത് ഷെറിന് ആന്റണി എന്ന ട്രാന്സ് യുവതിയാണ്. കെ. സ്നേഹ എന്ന ട്രാന്സ്ജെന്ഡര് കണ്ണൂരില് 36ാം ഡിവിഷനായ കീഴുന്നയില് സ്ഥാനാര്ഥികളുടെ കൂട്ടത്തിലുണ്ട്.
സി.പി.എമ്മിനു കീഴില് ട്രാന്സ് വ്യക്തികളുടെ കൂട്ടായ്മയായ ഡെമോക്രാറ്റിക് ട്രാന്സ്ജെന്ഡേഴ്സ് ഫെഡറേഷന് ഓഫ് കേരള (ഡി.ടി.എഫ്.കെ) സംസ്ഥാന പ്രസിഡന്റുകൂടിയാണ് ഷെറിന് ആന്റണി. ആദ്യം പാര്ട്ടി സീറ്റ് വാഗ്ദാനം നല്കിയിരുന്നെങ്കിലും പിന്നീട് പിന്മാറിയെന്ന് അവര് പറഞ്ഞു. അടുത്ത ദിവസങ്ങളില് കൂടുതല് പേര് മത്സര രംഗത്തേക്ക് എത്തുമെന്നാണ് ട്രാന്സ്ജെന്ഡേഴ്സിന്റെ പ്രതീക്ഷ. കഴിഞ്ഞ ലോക്സഭ തെരഞ്ഞെടുപ്പില് രാജ്യത്തെ ആദ്യ ഇന്റര്സെക്സ് സ്ഥാനാര്ഥിയായി എറണാകുളം ജില്ലയിലെ ചിഞ്ചു അശ്വതി മത്സരിച്ചിരുന്നു.
