തിരുവനന്തപുരം : നഗരസഭയിലേക്കുള്ള തെരഞ്ഞെടുപ്പ് സാമഗ്രികള് വിതരണം ചെയ്യുന്ന കേന്ദ്രത്തില് തിക്കും തിരക്കും. പോളിങ് സാമഗ്രികള് വാങ്ങാനെത്തിയ ഉദ്യോഗസ്ഥര് സാമൂഹിക അകലം ഉള്പ്പെടെയുള്ള കോവിഡ് മാനദണ്ഡങ്ങള് പാലിക്കുന്നില്ല. നാലാഞ്ചിറ സര്വോദയ വിദ്യാലയത്തിലാണ് കോവിഡ് പ്രോട്ടോക്കോള് ലംഘനം നടക്കുന്നത്. തിരക്ക് നിയന്ത്രിക്കാന് ഉടന് നടപടി സ്വീകരിക്കുമെന്ന് സബ് കലക്ടര് എം.എസ് മാധവിക്കുട്ടി പറഞ്ഞു.
നാളെയാണ് ആദ്യഘട്ട വോട്ടെടുപ്പ് നടക്കുന്നത്. തിരുവനന്തപുരം, കൊല്ലം,പത്തനംതിട്ട, ആലപ്പുഴ, ഇടുക്കി ജില്ലകളില് 6813 വാര്ഡുകളിലായി 24584 സ്ഥാനാര്ഥികളാണ് ജനവിധി തേടുന്നത്. 8826620 വോട്ടര്മാരാണ് ആദ്യ ഘട്ടത്തില് വോട്ട് രേഖപ്പെടുത്തുക. 318 ഗ്രാമപഞ്ചായത്തുകളിലും 50 ബ്ലോക്ക് പഞ്ചായത്തുകളിലും 2 കോര്പ്പറേഷനുകളിലും 20 മുനിസിപ്പാലിറ്റികളിലും അഞ്ച് ജില്ലാപഞ്ചായത്തുകളിലുമാണ് നാളെ വോട്ടെടുപ്പ്. എട്ടിന് രാവിലെ 7 മുതല് വൈകിട്ട് ആറ് വരെയാണ് പോളിങ്.