തിരുവനന്തപുരം: സിറ്റി സര്ക്കുലര് സര്വീസുകളുടെ ചരിത്രത്തില് ആദ്യമായി തലസ്ഥാന നഗരത്തില് കെ.എസ്.ആര്.ടി.സി ഇലക്ട്രിക് ബസുകള് അവതരിപ്പിച്ചു. ഇലക്ട്രിക് ബസുകള് ഉപയോഗിച്ചുള്ള കെ.എസ്.ആര്.ടി.സിയുടെ എട്ടാമത്തെ സര്ക്കിള് സര്വീസായ എയര്- റെയില് സര്ക്കിള് സര്വീസ് മന്ത്രി അഡ്വ.ആന്റണി രാജു ഫ്ലാഗ് ഓഫ് ചെയ്തു നിര്വ്വഹിച്ചു. കെ.എസ്.ആര്.ടി.സി സി.എം.ഡി ബിജുപ്രഭാകര് മറ്റ് ഉന്നത ഉദ്യോഗസ്ഥര് തുടങ്ങിയവര് ചടങ്ങില് പങ്കെടുത്തു.
സിറ്റി സര്ക്കുലറിന്റെ എട്ടാമത്തെ സര്ക്കിളിലായി വിമാനത്താവളം, റെയില്വെ സ്റ്റേഷന്, കെ.എസ്.ആര്.ടി.സി ബസ് സ്റ്റേഷന് എന്നിവയെ ബന്ധിപ്പിച്ച് 24 മണിയ്ക്കൂറും എയര് – റെയില് സര്ക്കിള് സര്വീസ് നടത്തും. തിരുവനന്തപുരത്തെ രണ്ട് എയര് പോര്ട്ടുകളായ ഡൊമസ്റ്റിക് (ടി1), ഇന്റര്നാഷണല് (ടി2) ടെര്മിനലുകളിലേക്ക് തമ്പാനൂര് ബസ് സ്റ്റേഷനില് നിന്നും, സെന്ട്രല് റെയില്വേ സ്റ്റേഷനില് നിന്നുമുള്ള യാത്രക്കാരെ അങ്ങോട്ടും തിരിച്ചും എത്തിക്കുന്ന തരത്തില് ക്ലോക്ക് വൈസ്- ആന്റീ ക്ലോക്ക് വൈസ് മാതൃകയിലുള്ള സര്വ്വീസുകളാണ് എയര്- റെയില് സര്ക്കുലര് സര്വീസ് നടത്തും.
ആദ്യ ഘട്ടത്തില് ഒരോ ബസ് വീതം അര മണിയ്ക്കൂറിലും ഈ രണ്ട് ടെര്മിനലിലും തമ്ബാനൂരില് നിന്നും എത്തുന്ന വിധമാണ് സര്വീസ് നടത്തും. ഈ ബസുകളില് സൗജന്യ വൈഫൈ, മൊബൈല് ചാര്ജ് ചെയ്യാനുള്ള പോയിന്റുകള്, സുരക്ഷയ്ക്ക് വേണ്ടിയുള്ള ക്യാമറകള്, യാത്രക്കാരുടെ ലഗേജ് വെക്കാനുള്ള സൗകര്യങ്ങള് എന്നിവയും ലഭ്യമാണ്. രാത്രി യാത്രക്കാര് ഇന്റര്നാഷണല് ടെര്മിനലില് മാത്രം ഉള്ളതിനാല് രാത്രി സര്വീസുകള് അവിടത്തേക്ക് മാത്രമാകും നടത്തുക.
