കാഞ്ഞങ്ങാട് : ഓടുന്ന ബസിനു മുകളിലേക്ക് വൈദ്യുതി പോസ്റ്റ് ഒടിഞ്ഞു വീണു. കാഞ്ഞങ്ങാട് – മാവുങ്കാല് പാതയില് കിഴക്കുംകര ശാന്തികലാമന്ദിരത്തിനു സമീപം വൈകിട്ട് മൂന്നുമണിയോടെയാണ് അപകടം. കാഞ്ഞങ്ങാട്ടുനിന്ന് പെരിയ മൂന്നാംകടവിലേക്ക് പോകുന്ന സ്വകാര്യ ബസാണ് അപകടത്തില്പ്പെട്ടത്.
കനത്ത മഴയത്ത് നടന്ന അപകടം യാത്രക്കാരെ പരിഭ്രാന്തരാക്കി. ഉടന് തന്നെ വൈദ്യുതിബന്ധം വിച്ഛേദിച്ച് ദുരന്തം ഒഴിവാക്കി. വൈദ്യുതിവകുപ്പ് ജീവനക്കാരെത്തി തൂണുകളും മറ്റും മാറ്റിയശേഷമാണ് ഇതുവഴിയുള്ള ഗതാഗതം പുനഃസ്ഥാപിച്ചത്.
