എറണാകുളം : പള്ളിപ്പെരുനാളിനോടനുബന്ധിച്ച് സുഹൃത്തിന്റെ വീട്ടിൽ ദീപാലങ്കാരത്തിനെത്തിയ ഇലക്ട്രീഷ്യൻ ടെറസിൽനിന്ന് വീണ് മരിച്ചു. കുന്നുകര അയിരൂർ ആറ്റുപുറം എടയ്ക്കാട്ടുപറമ്പിൽ വീട്ടിൽ അയ്യപ്പൻ കുട്ടിയുടെ മകൻ ദിലീപാണ് (48) മരിച്ചത്. ശനിയാഴ്ച സന്ധ്യയോടെയായിരുന്നു അപകടം. ഉടനെ ആശുപത്രിയിലെത്തിച്ചെങ്കിലും വഴിമധ്യേ മരിച്ചു. അമ്മ – വാസന്തി. ഭാര്യ – അശ്വതി. മക്കൾ – അദ്വൈത്, ശ്വേത.
