സീതത്തോട് : കോവിഡ് 19 ന്റെ മറവിൽ വൈദ്യുതി ചാര്ജ്ജ് പതിൻമടങ്ങ് വർദ്ധിപ്പിച്ച് പിണറായി സര്ക്കാര് ജനങ്ങളെ ബുദ്ധിമുട്ടിക്കുകയാണെന്ന് കെ.പി. സി. സി. അംഗം പി. മോഹൻരാജ് ആരോപിച്ചു. അന്യായമായ വൈദ്യൂതി ചാർജ്ജ് വർദ്ധനവിനെതിരെ കെ.പി.സി.സി ആഹ്വാനമനുസരിച്ച് കക്കാട് വൈദ്യൂതി സെക്ഷൻ ഓഫിസിലേക്ക് നടത്തിയ മാർച്ചും ധർണ്ണയും ഉദ്ഘാടനം ചെയ്യുകയായിരുന്നു അദ്ദേഹം.
ബ്ലോക്ക് പ്രസിഡന്റ് റോയിച്ചൻ ഏഴിക്കകത്ത് അദ്ധ്യക്ഷത വഹിച്ചു . ജില്ലാ പഞ്ചായത്ത് അംഗം പി.വി. വർഗ്ഗീസ് , ഡി.സി.സി ഏക്സിക്യൂട്ടിവ് അംഗം സലിം പി. ചാക്കോ, യൂത്ത് കോൺഗ്രസ്സ് നിയോജക മണ്ഡലം പ്രസിഡന്റ് ജോയൽ മാത്യൂ , കെ.എസ്.യു ജില്ലാ ജനറൽ സെക്രട്ടറി അലൻ ജീയോ മൈക്കിൾ , മണ്ഡലം പ്രസിഡന്റ് രാജു കലപ്പമണ്ണിൽ , ഡി.സി.സി അംഗം സജി കുളത്തുങ്കൽ, ബ്ലോക്ക് വൈസ് പ്രസിഡന്റ് ഷമീർ തടത്തിൽ , ബ്ലോക്ക് സെക്രട്ടറിമാരായ സി.എം മോനച്ചൻ , സാം മാത്യുസ്, ഷാജഹാൻ ആങ്ങമൂഴി , മണ്ഡലം വൈസ് പ്രസിഡന്റ് ജോസ് പുരയിടത്തിൽ , ജിബിൻ ഏബ്രഹാം വർഗ്ഗീസ് , സുബൈദ ബീവി , സൂസൻ മേബിൾ സലിം , ശ്യാമളാ ഉദയഭാനു, എം.ആർ . ശ്രീധരൻ, എം.കെ. മാത്യു , മോനിഷ് മുട്ടുമണ്ണിൽ തുടങ്ങിയവർ പ്രസംഗിച്ചു.
