കൊടുമണ് : ഏഴംകുളത്ത് വൈദ്യുതി മുടങ്ങിയിട്ട് രണ്ടു ദിവസമായിട്ടും അധികൃതര് നടപടി സ്വീകരിക്കുന്നില്ലെന്ന് പരാതി ഉയര്ന്നു. കനത്ത മഴയെ തുടര്ന്ന് വൈദ്യുതി ലൈനില് മരം വീണതിനാല് വെള്ളിയാഴ്ച രാത്രി മുതല് പ്രദേശത്ത് വൈദ്യുതി മുടങ്ങിയിരുന്നു. കാറ്റില് ഒടിഞ്ഞു വീണ മരം നീക്കനായി കെ.എസ്.ഇ.ബി അധികൃതര് വൈകിയതായും നാട്ടുകാര് ആരോപിക്കുന്നു.
ഇപ്പോള് ശരിയാക്കാം എന്ന പതിവ് പല്ലവിയാണ് അധികൃതരുടെ ഭാഗത്തു നിന്നും ഉണ്ടാകുന്നത്. കൊടുമണ് ചക്കാലമുക്ക് പ്ലാമൂട് റോഡാണിത്. എത്രയും വേഗം വൈദ്യുതി ബന്ധം സാധാരണ നിലയിലാക്കാന് അധികൃതര് നടപടി സ്വീകരിക്കണമെന്ന ആവശ്യം ശക്തമാണ്.
