കൊച്ചി: എറണാകുളം ജില്ല കേന്ദ്രീകരിച്ച്‌ ആനക്കൊമ്പ് വില്‍പന നടത്താന്‍ ശ്രമിച്ച അഞ്ചു പേരെ ഫ്ലൈയിംഗ് സ്ക്വാഡ് പിടികൂടി. തൃപ്പൂണിത്തുറയിലെ ഫ്ലാറ്റ് കേന്ദ്രീകരിച്ചായിരുന്നു ഇവര്‍ ഇതിനുള്ള ഒരുക്കങ്ങള്‍ നടത്തിയിരുന്നത്. ഫ്ലൈയിംഗ് സ്ക്വാഡിനു ലഭിച്ച രഹസ്യ വിവരത്തിന്റെ അടിസ്ഥാനത്തിലായിരുന്നു പരിശോധന. ഇടപാടുകാരെന്ന വ്യാജേന ആനക്കൊമ്പ് വേണമെന്ന ആവശ്യവുമായെത്തിയാണ് സ്ക്വാഡ് അധികൃതര്‍ പ്രതികളെ പിടികൂടിയത്. രണ്ടു കോടി രൂപയാണ് ഇവര്‍ ആനക്കൊമ്പിനായി ആവശ്യപ്പെട്ടത്. അറസ്റ്റിലായവരുടെ പേരുവിവരങ്ങള്‍ പുറത്ത് വിട്ടിട്ടില്ല.
