ചെങ്ങന്നൂര് : ലോക പരിസ്ഥിതി ദിനത്തോടനുബന്ധിച്ച് അഖില ഭാരതീയ പൂർവ സൈനിക് സേവാ പരിഷത്തിന്റെ (എബി പി എസ് എസ് പി ) നേതൃത്വത്തിൽ സ്വച്ഛ് ഭാരതിന്റെ ഭാഗമായി തിരുവൻവണ്ടൂരിൽ ശുചീകരണ പ്രവർത്തനം നടത്തി. തിരുവൻവണ്ടൂര് ജംഗ്ഷനിലെയും സമീപ പ്രദേശങ്ങളിലുമുള്ള മാലിന്യങ്ങളാണ് നീക്കം ചെയ്തത്. തിരുവൻവണ്ടൂർ യൂണിറ്റ് രക്ഷാധികാരി വർഗ്ഗീസ് ജോൺ വാണിയപ്പരയ്ക്കൽ, സെക്രട്ടറി മുരളീധരൻ മുല്ലപ്പറമ്പിൽ എന്നിവർ നേതൃത്വം നൽകി. ഇരുപതോളം പൂർവ്വ സൈനിക് സേവ പരിഷത്ത് പ്രവർത്തകരും ഒപ്പം നാട്ടുകാരും ശുചീകരണ പ്രവർത്തനത്തിൽ പങ്കാളികളായി. പഞ്ചായത്തിന്റെ വിവിധ പ്രദേശങ്ങളിൽ വരും ദിവസങ്ങളിൽ ശുചീകരണ പ്രവർത്തനങ്ങൾ തുടരുമെന്ന് ഭാരവാഹികൾ പറഞ്ഞു.
പരിസ്ഥിതി ദിനത്തില് അഖില ഭാരതീയ പൂർവ സൈനിക് സേവാ പരിഷത്ത് ശുചീകരണ പ്രവർത്തനം നടത്തി.
RECENT NEWS
Advertisment