റാന്നി : പ്രത്യേക പരിഗണ അർഹിക്കുന്ന കുട്ടികൾക്കുള്ള സഹായക ഉപകരണങ്ങൾ വിതരണം ചെയ്തു. സമഗ്ര ശിക്ഷാ കേരള റാന്നി ബി ആർ സിയുടെ മെഡിക്കൽ ഡിറ്റക്ഷൻ ക്യാമ്പിൽ പങ്കെടുത്ത കുട്ടികൾക്ക് മെഡിക്കൽ ബോർഡ് നിർദ്ദേശിച്ച ഉപകരങ്ങളാണ് സമഗ്ര ശിക്ഷാ കേരള നൽകുന്നത്. ബി. ആർ. സി. പരിധിയിലെ ആറ് പഞ്ചായത്തുകളിലുള്ള കുട്ടികൾക്ക് ഉപകരണങ്ങൾ വിതരണം ചെയ്തു.
റാന്നി ബ്ലോക്ക് പഞ്ചായത്ത് പ്രസിഡന്റ് കെ. എസ് ഗോപി ഉപകരണ വിതരണം ഉദ്ഘാടനം ചെയ്തു. പഴവങ്ങാടി പഞ്ചായത്ത് പ്രസിഡന്റ് അനിത അനിൽകുമാർ അധ്യക്ഷത വഹിച്ചു. സർക്കിൾ സഹകരണ യൂണിയൻ ചെയർമാൻ പി. ആർ. പ്രസാദ് മുഖ്യ പ്രഭാഷണം നടത്തി. റാന്നി പഞ്ചായത്ത് പ്രസിഡന്റ് ശോഭ ചാർളി, അങ്ങാടി പഞ്ചായത്ത് പ്രസിഡന്റ് അഡ്വ. ബിന്ദു റജി, ബി. പി. സി. ഷാജി എ. സലാം,
പഴവങ്ങാടി പഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ സീമ മാത്യു, വാർഡ് അംഗം ബിനിറ്റ് മാത്യു, റാന്നി പഞ്ചായത്ത് അംഗം സച്ചിൻ വയല, മുൻ ബ്ലോക്ക് പഞ്ചായത്ത് പ്രസിഡന്റ് ബെന്നി പുത്തൻപറമ്പിൽ, മുൻ ബി. ആർ. സി. ട്രെയ്നർ ബിനു കെ. സാം, ‘വഴികാട്ടി’ മേഖല പ്രസിഡന്റ് ആലിച്ചൻ ആറൊന്നിൽ, പഴവങ്ങാടി ഗവ. യു. പി. സ്കൂൾ സീനിയർ അസിസ്റ്റന്റ് മിനി പി. സദാശിവൻ, സി ആർ സി കോ-ഓർഡിനേറ്റർ ബീനാമ്മ കോശി, സ്പെഷ്യൽ എഡ്യൂകേറ്റർമാരായ മേരികുട്ടി എസ്. കുര്യൻ, ആര് രാജശ്രീ എന്നിവർ പ്രസംഗിച്ചു.
