തിരുവല്ല : പുളിക്കീഴ് പോലീസ് സ്റ്റേഷനില് നിന്ന് കൈവിലങ്ങുമായി മുങ്ങിയ പ്രതിയെ അമ്പലപ്പുഴയില് നിന്ന് പിടികൂടി. നിരണം കൊമ്പങ്കേരി ആശാന്കുടി പുതുവല് വീട്ടില് സജയനാണ് കോടതിയില് ഹാജരാക്കാന് കൊണ്ടു പോകുന്ന സമയത്ത് പ്രാഥമിക കാര്യങ്ങള് സാധിക്കണമെന്നു പറഞ്ഞ് ഒരു കൈയ്യിലെ വിലങ്ങഴിപ്പിച്ച ശേഷം പോലീസുകാരനെ തള്ളി മാറ്റി ഓടി രക്ഷപ്പെട്ടത്. പ്രതിയെ അമ്പലപ്പുഴയിലുള്ള ബന്ധുവിന്റെ വീട്ടില് നിന്നാണ് പിടുകൂടിയത്. അയല് വാസിയെ വെട്ടിക്കൊലപ്പെടുത്താന് ശ്രമിച്ച കേസിലെ പ്രതിയാണ് ഇയാള്. ഈ കേസില് ഇയാളുടെ സഹോദരന് സജിത്ത് റിമാന്ഡിലാണ്. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
