കൊടുങ്ങല്ലൂര് : വെട്ടേറ്റ വനിത വ്യാപാരി മരിച്ചു പ്രതി ഒളിവില്. ഇന്നലെ രാത്രി വെട്ടേറ്റ കൊടുങ്ങല്ലൂര് എറിയാട് ഇളങ്ങരപ്പറമ്പില് നാസറിന്റെ ഭാര്യ റിന്സി (30) മരിച്ചു. സ്കൂട്ടറില് കടയടച്ചു വീട്ടിലേയ്ക്കു പോകുമ്പോള് ചെമ്പഴമ്പ് റോഡില് വെച്ചായിരുന്നു അക്രമിച്ചത്. തലയ്ക്കും കഴുത്തിനും കൈകള്ക്കുമായിരുന്നു വെട്ടേറ്റത്. റിന്സിയുടെ ഉടമസ്ഥതയിലുള്ള തുണിക്കടയിലെ മുന് ജീവനക്കാരന് റിയാസാണ് ആക്രമിച്ചത്. ഇന്നലെ രാത്രിയാണ് വെട്ടേറ്റത്. റിന്സിക്ക് മുപ്പതോളം വെട്ടേറ്റിരുന്നു. വഴിയില് തടഞ്ഞു നിര്ത്തി വെട്ടി പരിക്കേല്പ്പിക്കുകയായിരുന്നു. റിന്സിയെ ശല്യപ്പെടുത്തിയത് ഭര്ത്താവിനെ അറിയിച്ചതിലുള്ള പകയും നാണക്കേടുമാണ് ഇത്തരത്തിലൊരു അക്രമത്തിന് വഴി വെച്ചത്. റിയാസ് ഒളിവിലാണ്.
