എപ്പോഴും എന്തോ രോഗമുണ്ട് എന്ന ചിന്ത നിങ്ങളെ അലട്ടുന്നുണ്ടോ ? ചെറിയ രോഗങ്ങൾ വരുമ്പോഴേക്കും വലിയ ആരോഗ്യപ്രശ്നം ഉള്ളതായി നിങ്ങൾ കരുതുന്നുണ്ടോ ? ആരോഗ്യത്തെക്കുറിച്ചുള്ള അമിത ഉത്കണ്ഠ അത്ര നിസ്സാരമായി കാണേണ്ട ഒന്നല്ല. പുതിയ സ്വീഡിഷ് പഠനങ്ങളാണ് ഇക്കാര്യത്തെക്കുറിച്ച് വിശദീകരിക്കുന്നത്. ഹൈപ്പോകോൺട്രിയാക്സ് എന്നാണ് ഈ അവസ്ഥയുടെ വിളിപേര്. ഈ അവസ്ഥയുടെ ചെറിയൊരു അംശം പലരിലും കാണാമെങ്കിലും അത് ഗുരുതരമായി ഒരാളെ ബാധിക്കുന്നത് വളരെയധികം അപകടം ചെയ്യും.
ഈ അവസ്ഥയെ മറികടക്കാൻ റിലാക്സേഷൻ ടെക്നിക്കുകൾ ബോധവൽക്കരണം ചിലയിനം വിഷാദ മരുന്നുകൾ എന്നിവ ഉപയോഗിക്കേണ്ടിവരും.ഹൈപ്പോ കോൺട്രിയസിലൂടെ കടന്നു പോകുന്നവർ ആത്മഹത്യ ചെയ്യാനുള്ള സാധ്യത കൂടുതലാണ് എന്ന് ഗവേഷകർ പറയുന്നു. രോഗമുണ്ട് എന്ന ചിന്തയിൽ അമിതമായ സമ്മർദ്ദം അനുഭവിക്കുന്നതുമൂലം ശ്വാസകോശ രോഗങ്ങളും അകാലമരണവും ഉണ്ടാകും. ഹൈപ്പോകോൺട്രിയാക്സ് ഉള്ളവർ അതേ പ്രായത്തിലുള്ള മറ്റുള്ളവരെ അപേക്ഷിച്ച് നേരത്തെ മരണപ്പെടുന്നതായും പഠനങ്ങൾ വിശദമാക്കുന്നുണ്ട്. ജാമ സൈക്യാട്രിയിലാണ് വിശദമായ പഠനം പ്രസിദ്ധീകരിച്ചിരിക്കുന്നത്.
