പത്തനംതിട്ട : കോണ്ഗ്രസ് നേതാക്കളെ സമൂഹ മാധ്യമങ്ങളിലൂടെ അപകീര്ത്തിപ്പെടുത്തുന്ന രീതിയില് പ്രചരണം നടത്തി പാര്ട്ടിയെ അവഹേളിക്കുകയും അച്ചടക്കം ലംഘിക്കുകയും ചെയ്ത യൂത്ത് കോണ്ഗ്രസ് അരുവാപ്പുലം മണ്ഡലം ജനറല് സെക്രട്ടറി ഷാനു കെ. ഈപ്പനെ കോണ്ഗ്രസ് പാര്ട്ടിയുടെ പ്രാഥമിക അംഗത്വത്തില് നിന്നും പുറത്താക്കിയതായി ഡി.സി.സി പ്രസിഡന്റ് പ്രൊഫ. സതീഷ് കൊച്ചുപറമ്പില് അറിയിച്ചു. അച്ചടക്ക ലഘനം ഒരു കാരണവശാലും വച്ചുപൊറുപ്പിക്കില്ലെന്നും കര്ശന നടപടികള് സ്വീകരിക്കുമെന്നും ഡി.സി.സി പ്രസിഡന്റ് പറഞ്ഞു.
