തിരുവനന്തപുരം: എല്ഡിഎഫ് കണ്വീനര് ഇപി ജയരാജനെ പരിഹസിച്ച് മുഖ്യമന്ത്രിക്കെതിരെ ഇന്ഡിഗോ വിമാനത്തില് മുദ്രാവാക്യ വിളിച്ച ഫര്സിന് മജീദ്.
സഖാവ് ഇ.പിയോട് ഏറെ സ്നേഹത്തോടെ, അങ്ങയുടെ ഏറ്റവും പ്രിയപ്പെട്ട ഫര്സിന് എഴുതുന്നത് എന്ന കുറിപ്പോടെയാണ് ഫെയ്സ്ബുക്ക് പോസ്റ്റ്. നമ്മള് മാത്രം ഉള്പ്പെട്ട ഒരു വിഷയത്തില് അങ്ങയെ ആ കാര്യോം പറഞ്ഞുകൊണ്ട് കേരള ഗവര്ണര് ആരിഫ് മുഹമ്മദ് ഖാന് അപമാനിക്കാന് ശ്രമിച്ചത് തനിക്ക് ഏറെ വേദന ഉണ്ടാക്കിയെന്ന് പരിഹാസ രൂപേണ കുറിപ്പില് പറയുന്നു. പോണവരും വരണവരും ഒക്കെ അങ്ങയെ ആ വിമാനോം പറഞ്ഞ് അപമാനിക്കുന്നതില് എന്നോട് ഒന്നും തോന്നരുത്. ഇനിയെങ്ങിലും സഖാവ് ആ വിമാനത്തില് കയറി ഒന്ന് യാത്ര ചെയ്ത് അപമാനിക്കുന്നവര്ക്ക് മറുപടി നല്കണം എന്നാണ് തന്റെ അഭിപ്രായമെന്നും ഫര്സീന് മജീദ് പറയുന്നു.
