കോഴിക്കോട് : വ്യാജ പള്സ് ഓക്സി മീറ്ററുകളുടെ വിപണനം അടിയന്തിരമായി തടയണമെന്ന് സംസ്ഥാന മനുഷ്യാവകാശ കമ്മീഷന്. ആരോഗ്യവകുപ്പ് സെക്രട്ടറിയ്ക്കാണ് കമ്മീഷന് ജ്യുഡീഷല് അംഗം കെ. ബൈജുനാഥ് ഉത്തരവ് നല്കിയത്. നടപടി സ്വീകരിച്ച ശേഷം മൂന്നാഴ്ചയ്ക്കകം റിപ്പോര്ട്ട് സമര്പ്പിക്കണമെന്ന് കമ്മീഷന് ആവശ്യപ്പെട്ടു. ഇത്തരം മനുഷ്യത്വരഹിതമായ പ്രവര്ത്തനങ്ങള് ഉടന് തടയണമെന്നും കമ്മീഷന് ആവശ്യപ്പെട്ടു.
വ്യാജ ഓക്സി മീറ്ററുകളില് കമ്പിനിയുടെ പേരോ വിലയോ രേഖപ്പെടുത്താറില്ല. കൊറോണ വ്യാപകമായതോടെ, പള്സ് – ഓക്സി മീറ്ററുകള്ക്ക് ക്ഷാമം നേരിട്ടിരുന്നു. ഈ സാഹചര്യം മുതലാക്കിയാണ് വ്യാജ പള്സ് – ഓക്സി മീറ്ററുകള് വിപണിയില് സുലഭമായി ലഭിച്ചു തുടങ്ങിയത്. സാമുഹ്യപ്രവര്ത്തകന് സമര്പ്പിച്ച പരാതിയിലാണ് നടപടി.
