പെരിന്തല്മണ്ണ: വാഹനത്തിന്റെ ആര്സികളും ഡ്രൈവിംഗ് ലൈസന്സുകളും മറ്റു സര്ട്ടിഫിക്കറ്റുകളും വ്യാജമായി നിര്മ്മിച്ച് വില്പ്പന നടത്തുന്ന സംഘം പെരിന്തല്മണ്ണയില് പിടിയില്. മലപ്പുറം പൊന്മള പട്ടത്ത് മൊയ്തീന് എന്ന മൊയ്തീന് കുട്ടി (44), പെരിന്തല്മണ്ണ പട്ടിക്കാട് മുള്ള്യാകുര്ശ്ശി നമ്പൂത്ത് ഷിഹാബുദ്ദീന്(40) എന്നിവരാണ് അറസ്റ്റിലായത്.
വ്യാജ സര്ട്ടിഫിക്കറ്റുകള് നിര്മ്മിച്ച് വില്പ്പന നടത്തുന്ന സംഘത്തെക്കുറിച്ച് മലപ്പുറം ജില്ലാ പോലിസ് മേധാവി യു അബ്ദുള് കരീമിന് ലഭിച്ച രഹസ്യ വിവരത്തിന്റെ അടിസ്ഥാനത്തില് പെരിന്തല്മണ്ണ ഡിവൈഎസ്പിപി സി ഹരിദാസന്റെ നേതൃത്വത്തില് സിഐ ശശീന്ദ്രന് മേലെയിലും സംഘവുമാണ് പ്രതികളെ പിടികൂടിയത്.
