കൊച്ചി : പ്രതിപക്ഷ നേതാവ് വി.ഡി. സതീശനെതിരെ നടത്തിയ പ്രസ്താവനയുടെ പേരില് എല്.ഡി.എഫ് കണ്വീനര് ഇ.പി ജയരാജനെതിരെ വക്കീല് നോട്ടീസ്. തൃക്കാക്കര ഉപതെരഞ്ഞെടുപ്പിലെ ഇടത് സ്ഥാനാര്ഥി ജോ ജോസഫിന്റെ വ്യാജ അശ്ലീല വീഡിയോ നിര്മ്മിച്ചത് പ്രതിപക്ഷനേതാവാണെന്ന എല്.ഡി.എഫ് കണ്വീനര് ഇ.പി ജയരാജന്റെ പ്രസ്താവനക്കെതിരെയാണ് നിയമനടപടി.
പ്രതിപക്ഷ നേതാവിന് വേണ്ടി ഹൈക്കോടതി അഭിഭാഷകന് അനൂപ് വി. നായരാണ് ഇ.പി ജയരാജന് നോട്ടീസ് അയച്ചത്. അവാസ്തവമായ പ്രസ്തവന ഇ.പി ജയരാജന് ഏഴ് ദിവസത്തിനകം പിന്വലിച്ച് പരസ്യമായി മാപ്പ് പറയണമെന്നാണ് നോട്ടീസില് ആവശ്യപ്പെട്ടിരിക്കുന്നത്. ഇതിന് തയാറായില്ലെങ്കില് സിവില്, ക്രിമിനല് നടപടിക്രമങ്ങള് അനുസരിച്ച് നിയമ നടപടി സ്വീകരിക്കുമെന്ന് പ്രതിപക്ഷ നേതാവിന് വേണ്ടി അയച്ച നോട്ടീസില് വ്യക്തമാക്കിയിട്ടുണ്ട്.
