ന്യൂഡൽഹി : പ്രശസ്ത ഇന്ത്യൻ ഫുട്ബോൾ കമന്റേറ്ററും ഡൽഹി സർവകലാശാലയിലെ മുൻ പ്രഫസറുമായ നോവി കപാഡിയ (67) അന്തരിച്ചു. മോട്ടോർ ന്യൂറോൺ ബാധിച്ച കപാഡിയ രണ്ട് വർഷമായി വീൽചെയറിലായിരുന്നു. അസുഖം ഗുരുതരമായതിനെ തുടർന്ന് ഒരുമാസം മുൻപ് അദ്ദേഹത്തെ വെന്റിലേറ്ററിൽ പ്രവേശിപ്പിച്ചു. ഡൽഹിയിലായിരുന്നു അന്ത്യം.
9 ഫിഫ ലോകകപ്പുകളിലും നിരവധി ഇന്ത്യൻ മത്സരങ്ങളിലും കപാഡിയ കമന്റേറ്ററായി പ്രവർത്തിച്ചിട്ടുണ്ട്. ഫുട്ബോൾ കൂടാതെ ഒളിംപിക്സ്, ഏഷ്യൻ ഗെയിംസ്, കോമൺവെൽത്ത് തുടങ്ങിയ കായികമത്സരങ്ങളിലും കപാഡിയ ഭാഗമായി. കപാഡിയയുടെ ബെയർഫൂറ്റ് റ്റു ബൂട്സ്, ദ് ഫുട്ബോൾ ഫനാടിക്സ് എസെൻഷ്യൽ ഗൈഡ് ബുക്ക് എന്നീ പുസ്തകങ്ങൾ ഏറെ പ്രശസ്തമാണ്. ബെയർഫൂറ്റ് റ്റു ബൂട്സ് എന്ന പുസ്തകം ‘ഫുട്ബോൾ എൻസൈക്ലോപീഡിയ’ എന്നാണ് അറിയപ്പെടുന്നത്.
