ടെഹ്റാന് : പ്രശസ്ത ഇറാനിയൻ ചലച്ചിത്ര സംവിധായകൻ ദാരിയൂഷ് മെർജൂയിയെയും ഭാര്യയെയും ഒരു അജ്ഞാത അക്രമി വീട്ടിൽ വെച്ച് കുത്തിക്കൊലപ്പെടുത്തിയതായി ഇറാനിയന് ഔദ്യോഗിക വാര്ത്ത ഏജന്സി ഞായറാഴ്ച റിപ്പോർട്ട് ചെയ്തു. ദാരിയൂഷ് മെർജൂയി ഭാര്യ വഹിദെ മുഹമ്മദീഫറിനെയും അവരുടെ സ്വന്തം വീട്ടിലാണ് മരിച്ച നിലയില് കണ്ടെത്തിയത് എന്ന് യി ജുഡീഷ്യറി ഉദ്യോഗസ്ഥനായ ഹൊസൈൻ ഫസെലിയെ ഉദ്ധരിച്ച് ഔദ്യോഗിക വാർത്താ ഏജൻസിയായ റിപ്പോർട്ട് ചെയ്തു. ഇരുവരുടെയും കഴുത്തിലാണ് കുത്തേറ്റത് എന്നാണ് ഐആർഎൻഎ റിപ്പോർട്ടിൽ പറയുന്നത്.
തലസ്ഥാനമായ ടെഹ്റാനിൽ നിന്ന് 30 കിലോമീറ്റർ പടിഞ്ഞാറുള്ള പ്രാന്തപ്രദേശത്തെ വീട്ടിലാണ് ദാരിയൂഷ് മെർജൂയിയും ഭാര്യയും താമസിച്ചിരുന്നത്. ശനിയാഴ്ച രാത്രി കുടുംബത്തെ സന്ദര്ശിക്കാന് എത്തിയ ദാരിയൂഷ് മെർജൂയിയുടെ മകള് മോണ മെർജൂയിയാണ് ഇവര് കൊല്ലപ്പെട്ടത് ആദ്യം കണ്ടത്. ഇവരാണ് പോലീസിനെ വിവരം അറിയിച്ചത്. തങ്ങള്ക്ക് ഭീഷണിയുണ്ടെന്ന രീതിയില് സംവിധായകന്റെ ഭാര്യ വഹിദെ മുഹമ്മദീഫറി സോഷ്യല് മീഡിയയില് പ്രതികരിച്ചതായി റിപ്പോര്ട്ടുണ്ട്. പോലീസ് അന്വേഷണം ആരംഭിച്ചു. എന്നാല് എന്താണ് കൊലപാതകത്തിലേക്ക് നയിച്ചത് എന്നത് സംബന്ധിച്ച് ഇപ്പോള് വിവരങ്ങളൊന്നും ഇല്ലെന്ന് പോലീസ് പറയുന്നു.
