പത്തനംതിട്ട : കര്ഷക കോണ്ഗ്രസ് പത്തനംതിട്ട ജില്ലാ കമ്മിറ്റി യോഗം ഡി.സി.സി പ്രസിഡന്റ് പ്രൊഫ. സതീഷ് കൊച്ചുപറമ്പില് ഉദ്ഘാടനം ചെയ്തു. ജില്ലാ പ്രസിഡന്റ് എം.കെ. പുരുഷോത്തമന്റെ അദ്ധ്യക്ഷതയില് കൂടിയ യോഗത്തിന് ജില്ലാ വൈസ് പ്രസിഡന്റ് മലയാലപ്പുഴ വിശ്വംഭരന് സ്വാഗതം ആശംസിച്ചു. നിത്യോപയോഗ സാധനങ്ങളുടെ വിലവര്ദ്ധന നിയന്ത്രിക്കുക, റബ്ബറിന്റെ സംഭരണ വില 250 രൂപയാക്കുക, നെല്ലിന്റെ സംഭരണ വില 35 രൂപയാക്കുക, പച്ചതേങ്ങാ സംഭരണവില 45 രൂപയാക്കുക, കര്ഷക പെന്ഷന് 5000 രൂപയായി വര്ദ്ധിപ്പിക്കുക എന്നീ ആവശ്യങ്ങള് ഉന്നയിച്ചുകൊണ്ട് കര്ഷക കോണ്ഗ്രസ് സംസ്ഥാന കമ്മിറ്റി നവംബര് 23 ന് സെക്രട്ടേറിയറ്റ് പടിക്കല് നടത്തുന്ന ഉപവാസ സമരം വിജയിപ്പിക്കുവാന് തീരുമാനിച്ചു.
സമരത്തിന് ജില്ലയില് നിന്നും 75 പ്രവര്ത്തകര് പങ്കെടുക്കുന്നതാണ്. യോഗത്തില് സതീഷ് പഴകുളം, എം. അബ്ദുള് കലാം ആസാദ്, ജോജി ഇടക്കുന്നില്, സലിം പെരുനാട്, അജി അലക്സ്, റ്റി.എന് രാജശേഖരന്പിള്ള, വല്ലാറ്റൂര് വാസുദേവന് പിള്ള, ജോര്ജ്ജ് ജോസഫ്, കോതകത്ത് ശശിധരന് നായര്, നജീര് പന്തളം, കെ.എന്. രാജന് എന്നിവര് പ്രസംഗിച്ചു.
